Knuter

Knut som har studert grafisk design i Drammen denne hausten, skal flytte heim til Molde og vere superflink som skal studere på egenhand, samstundes som han skal jobbe som grafisk desginer og butikkmann og bestå eksamen. Det greier Knut.

I dag feira vi at han var ferdig med eksamen og skulle flytte heim igjen med kakao på Aker Brygge. Eg har aldri vore på Aker Brygge, før eg. Det måtte ein moldenser til som har budd i Drammen som måtte vise meg plassen. Kakaoen var god. Og Aker Brygge var fint.

Vaksne som vi er, snakka vi om fonter og typografiregler, eg bladde igjennom eksamensoppgåvene han har designa, og han bladde igjennom JesusKvinner Magasinet og såg på teksta og bileta mine. Vi har kome oss eit stykke på vegen til draumene våre. Knut designer og eg skriv. Som vi alltid har gjort, og som vi kjem til å fortsette med. Kva vi ender opp med til slutt veit vi ikkje. Resten av livet står igjen til å vitne om det.



Etterpå gjekk vi nesten heile snøfylde Karl Johan, og det gjekk opp for meg at eg ikkje har gått heile Karl Johan sidan eg kom flyttande til Oslo. Dersom nokon melder seg frivillig til å gå frå slottet til Jernbanetorget saman med meg, så rop. Berre ikkje nett no. Det er så kaldt at kulda frys.


Oslo i desse dager er som ein amerikansk film med opne butikker, fyld av folk, pynta gater og musikk i kvart kvartal og på kvart hjørne. Då eg vinka Knut farvel på flytoget, kom eg til å tenkje på alt vi kan gjere her i livet. Alt vi får til så lenge vi står på. Så lenge vi pushar oss sjølve og jobber for resultata våre.

Så kjem Knut til å drive sitt eige designbyrå. Og eg kjem til å skrive for Magasinet til Dagbladet. Og om 40 år sit vi på Aker Brygge igjen, drikk kakao og snakker om kor ung vi var då vi berre var 20, spend på livet, svolten på resultat og når det var så kaldt i Oslo at kulda fraus.

Det er kanskje ikkje noko nytt i dette eg seier heile tida om at livet er spanande.  Den haldninga kjem eg garantert til å behalde, 20 som 60 år. Det er kva du gjer det til sjølv. Eg skal i alle fall ikkje ligge på latsida.

2 kommentarer

Vikkebekke

17.12.2010 kl.22:55

Synes grafisk er utrolig spennende, men har ikke spesielt mange å diskutere typografi med =P Aker Brygge er utrolig fint, men er kanskje litt dyrt å henge der regelmessig =P

Marita

18.12.2010 kl.00:01

Vi kan gå sammen neste gang e kjem til Oslooo!! Så kan e kanskje ta me me Joakim, og vise han fram og skryte litt å såååånn :) tihi

Skriv en ny kommentar

hits