Visitt

I desse dager er det vinterferie, og eg er i kalde Fræna med fullbooka kalender. Eg har i gjennomsnitt to besøk kvar dag dei 8 dagane eg er heime, og spring frå tekopp til tekopp for å klemme, snakke, grine, flire, minnes, draume og tenkje om livet, framtida, notida, fortida, situasjoner, alt. Det er med andre ord ikkje kjeledeg å kome heim.

I går sat eg og Ingeborg på den faste plassen vår på Blå og tenkte at det var heile 9 veker sia vi satt der sist, men det føltes ut som 1. Tida går fort når ein opplever mykje. Etterpå var vi og Geir på "Jeg reiser alene" og eg liker norsk film, det finnes håp og kreativitet, og det er godt. Veldig godt. I Molde har dei til og med kulturrabatt for ungdom, det har ikkje Oslo. Hovudstaden heng med andre ord litt igjen på nokre punkt. Skuffande.

Eg held til litt heime og litt hjå Monica når eg søv no i ferien, Monica har alltid open bed and breakfast (i alle fall når det kjem til meg) og eg vakner til te, nykokte egg, heimlaga rundstykker og kremost. Wow.
Som takk fyra eg i peisen:


(Det kan nemleg ikkje Monica. Seier vi.)

Nett no er eg heime hjå mor, og fekk boller til frukost, te på kanna og skal snart springe ut døra og besøke Susanne og den nye leiligheta hennar. Etterpå er det rett til Kris kvar vi skal ta igjen alt det tapte sia jula.

Eg har ei kjensle over at eg kjem til å køyre 100 mil, legge på meg 15 kg og springe av meg 14 denne ferien. Slutten av februar vil vise. Ein veit aldri.

Én kommentar

Mlikes

23.02.2011 kl.07:16

Det hørtes helt herlig ut! Kos deg masse :)

Skriv en ny kommentar

hits