Bobler over av glede



Ein morgon i desember vakna eg til mange notifications på facebook, og det blinka over alt at det angjekk meg. Eg hugsa eg blunka og gnidde meg i augo og skjønte ikkje kva som skjedde eller kva som hadde skjedd, men etter ei lita stund, og etter å ha prøvd å skilje mellom kva som var tekst på mobilen, og kva som var prikker som dei sømnige augo mine skapte, forstod eg at et hadde vunne. Men eg hadde då ikkje deltatt på noko.

Men det hadde søskenbarnet mitt Britt Evy. Ho hadde nominert meg med tekst og bilete av denne tekokaren til Nille då dei hadde førjulskonkurranse i desember. Britt Evy hadde nominert meg med ei utruleg fin tekst, og sagt at denne tekokaren hadde passa meg. Også nådde teksta fram. Det er jo kanskje ikkje så rart, Britt Evy er flink med ord. Og har eit enormt hjarte til å ynskje andre godt. Så Nille bestemte at eg fekk tekokar i posten. Og no prydar han kjøkkenbenken heime i Bodø. 

Å. Te smakar godt når den kokebobler i kjærleik.

Tusen takk. Tenk kor velsigna eg er med ein slik familie!

Ingen kommentarer

Skriv en ny kommentar

hits