365.





Eit år har gått. Eg har vore saman med han franktastiske Frank i eitt år i dag, og eg er glad glag glad.

Eg skriv ikkje så alt for ofte på bloggen om kor fantastisk han er og kor forelska eg er i han, eg liker liksom å halde det litt tett til brystet, det er så vent og sårt og ekte at å skulle poengtere det på verdsveven heile tida blir litt flatt. Men eg kan jo skrive ein liten brøkdel med tekst i dag, tenkte eg.
Frank er den personen i livet mitt som gjer at det er lettare å vere meg, han ser meg for den eg er, og det går aldri ein dag utan at han seier: "E ælska d, Benedicte." Han les meg betre enn nokon andre, "dette tenkjer du," seier han, og eg blånekter fordi eg ikkje vil tilstå at eg tenkjer så teit og fælt og firkanta, men han har heilt rett, han les meg som ei open bok, og det gjer at eg kan vere meg, usminka og ekte. 

Han har lært meg kva oppriktighet er, og eg er oppriktig når eg seier at eg fekk han eg aldri trudde eg skulle få, eg grin nesten nokre gonger berre ved tanken, tanken på at eg har fått han og at det skal vere slik. Nokon gonger stirrer eg på han i tretti minutt, han er fokusert i arbeid eller med lesing, og eg berre ser på han, ser utan at han veit.
Eg trur ein nøkkel er å beundre kvarandre, for dei smila som den andre har, for korleis den andre behandler medmenneske, for korleis den andre skriv sms-meldinger og korleis den andre handterer ein situasjon eg ikkje hadde takla like godt. Å berre sjå kor fantastisk den andre er, og forstå at du treng ein slik, den kjensla, den er god.

Ei venninne av meg spurde meg ein gong om eg kunne nevne dei negative sidene med Frank, og det er ikkje det at det er så vanskeleg å finne dei, men dei utgjer ikkje så mykje. For han er kanskje ikkje så glad i å danse. Eller å vere på kjøpesenter i meir enn 40 minutter. Men han kan å lage kjøttsuppe og spele bass. Og han gjer meg til den lukkelegaste jenta i vera.

Frank er nett ein sånn eg treng, og det er nett ein sånn eg har fått.  Halleluja og amen.

2 kommentarer

Camilla Albertine

20.06.2012 kl.18:03

<3

Henriette

22.06.2012 kl.15:09

åååå :-D dåkker e så søt!

Skriv en ny kommentar

hits