History maker

Eg er i skikkeleg skrytemodus for tia. Det handler vel om at eg gjer ting eg eigentleg ikkje trudde eg kom til å klare eller orke eller gidde eller ville få til. Men i det siste har eg kome meg, så då skryt eg.

Fordi: I sumar har liksom vore sumaren eg sov vekk. Det føles i alle fall slik. 

Dersom eg ikkje har morgonvakt, kan eg ligge som eit slakt i senga til kl 12 før eg orker å bevege på meg. Eg baker litt brownies, ser på say yes to the dress, sit i resepsjonen på Sandvik og er trøytt heile tida. Det var i alle fall slik i to måneder, heile sumaren eigentleg. Men no i august har eg blitt bedre, eg treng ikkje 11 timer svevn lengre for å fungere om dagen, og det er jo eit godt teikn. Det kan vere at eg har tatt opp treninga, piska meg sjølv i andletete og tatt C-vitamin og jerntilskot så det ljomer.  Lov å håpe.

 

Så tilbake til skrytinga: eg skulle springe 3 km og gjere lit styrke før arbeid i dag, det var liksom målet. Det er fint å ha mål, berre veldig surt alle dei gongane ein ikkje når det. Eg har lenge tenkt at "den dagen eg spring over min gamle rekord som er på 6 km, den dagen kjem vel om sånn 10 år," så eg byrja på 3 km, og var halvdaud når eg hadde komen til 2500 meter. Det var difor ganske overraskande for meg sjølv at eg fekk pressa meg til 5 km. Og då eg hadde kome meg dit, tenkte eg; om eg ikkje greier 1 mil no, så greier eg det aldri. Så då køyrde eg på til det var like før noko i leggen min rauk, og eg nådde til slutt 10 km med hjarte i hovudet og heiarop over meg sjølv. (Kor lang tid eg sprang på den mølla skal eg riktignok ikkje seie. Vi snakker longtime. Men eg sprang!)

Stryketreninga etterpå blei så som så. Eg har aldri vore så raud i trynet før, så etter å ha lugge på ei matte i to minutter måtte eg berre kome meg opp og få tak i meir vatn. Så eg er framleis like svak, om nokon lurte på det. 



No er eg så støl i leggene at eg bruker sneglefart i trappa, og greier så vidt å bøye meg ned. Men who cares? Eg sprang 1 mil i dag, og har bevist for meg sjølv at eg kan om eg vil. Eg må berre orke.

Skryt over.

Ingen kommentarer

Skriv en ny kommentar

hits