Mandagsdate











I fjor hadde eg og Margrete mandagsdate på mandager. Det akter vi å fortsette med i år òg. Vi prøver å lese litt, sjølv om det nesten aldri skjer. Eg ender opp med å teikne blomer i margen og snakke om at eg skal kalle borna mine Nora Kristiane, Herborg og August, og at eg skal lære meg å lage blomekrans og ikkje bruke meir penger på ufornuftige klede som hevner lengst inn i skåpet. Margrete bruker å nikke og smile og er ei god venninne som ikkje seier imot, ho gjer meg forslag til korleis eg kan starte eit nytt og betre liv i dag dersom eg vil det, "det er jo berre å byrje å lese og spare peng og gifte seg," og eg heng med på det ho seier, eg skal det, eg skal gjere alle dei tinga eg snakker så fint om, ein dag, ein dag, men fyrst må eg berre leve i dag.

Etter at eg har fyld margen med blomer og hjarte med lovord, tek vi belønninga: vi et is. Lager kake. Ser på seriar. Snakkar om gutar og menn og kantineprisar og flybillettar. 

Ein dag dreg vi til Paris. Kanskje ikkje denne mandagen, og kanskje ikkje neste. 

Men ein dag. Vi må berre bli fornuftige pengemenneske først.

 

Ingen kommentarer

Skriv en ny kommentar

hits